Balik-Bayan Box

Isang daan at limampung taon na ang nakararaan

Isang bayani ang sa mundo ay nagdaan

At hinangad ang higit na ikabubuti ng bayan

Sa pagsaksakripisyo at pag-aalay ng sarili siyay lumisan

Baon ang inasaasm na kasarinlan sa kanyang libingan

 

Isang hudyat ng rebolusyon ang kanyng pagkamatay

Upang ang mga puso’t isip ay gumising sa pagkakangalay

Sa mahigit tatlong daang taon pagduduyan at pagsalabay

Sa imperyo ng dayuhang kunwari’y gumabay at umakay

Noon pala’y lihim na kaaway at nagpasasang tunay

Ang sabi ng bayani, kabataan ang pag-asa ng bayan

Ngunit hanggang sa ngayon ito’y isang ilusyon at imahinasyon

Marami ang isyu at problemang walang solusyon

Realidad ng buhay ay unti-unting binaon

Sa karagatan ng umano’y kaunlaran ay nagpati-anod sa alon

 

Marami sa atin ang tila nakalimot na

Sa mga pagsasakit ng mga bayaning tulad niya

Ang akala ko’y sa pagtanda nang dating mga bata

Bayan  ay uusbong at mamumunga ng marami

Aani ng mga bayani  at silang mamamayani

 

Kung babalik-bayan ngayon si Rizal

Ano kaya ang kanyang iuusal

Sa bayang hanggang sa ngayon ay nasa sukal

Patuloy ang pagpupumiglas sa tanikalang sumasakal

Na siyang umangkin sa kang puri at dangal

Naging inspirasyon ng may akda ng tula ang kanyang pagbisita noong ika-2 ng Hulyo 2011 sa isang exbihit na may pamagat na “Balik sa Bayan Box:Travels of Rizal” ng Team Manila sa Ayala Museum.Ang naturang exhibit ay itatanghal mula ika-25 ng Hunyo hangang ika-20 ng Hulyo 2011.